بــــديـــهـــيـــات ســـــــــــــوريّة

بــــديـــهـــيـــات ســـــــــــــوريّة
بتكون قاعد بامان الله عم تتفرج على فلم عم تستنا فيه من اسبوع ليطلع ، بفوت ابوك بقلك شو عم تتفرج على فلم .......؟؟
لا عم بتفرج على برنامج ارضنا الخضراء ....
((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)).

هي خالصين منها ..
------------------------------------

بدك تنزل من الميكرو: بتقول للشوفير عاليمين زكاتك.... بتتلقى الرد: نازل ؟؟
لا والله بس كنت عم جرب صوتي شو رأيك أنت ؟؟.

كمان ...؟؟
------------------------------------

مذيعة بيوم العيد عم تلفلف بالشوارع وتدور على كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..
لا والله بالعادة بفكر العب دك طميمة وما بروح لعندهم
------------------------------------

نفس المذيعة بتشوف ولد بالشارع وبتسأله؟ حبيبي بتحب البابا والماما؟
لا مابحبهم أبدا , أنا بحب البوسنة والهرسك .
عشان بس يوصل عالبيت ابوه يكسروا

ليش مذيعاتنا دائما عندهن نفس الأسئلة؟؟
ليش كل الشعب حافظ شو هي الأسئلة؟؟
ليش ما بتتغير هالأسئلة؟؟

يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....
------------------------------------
اشتريت لبس جديد على العيد حبيبي؟؟؟
يعني شو بتتوقع يقولها؟؟

لا...ما اشتريت لبس جديد.... هدول سرقة من على حبل الغسيل تبع الجيران ولا بتتوقع يقولها
أخدت لبس أخي الكبير تبع السنة الماضية ولبستو...؟؟

طيب يمكن فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد؟؟؟
------------------------------------

شو بتشتري بالعيد...شوكولاته وأكلات طيبة؟؟

لا والله...على العيد بشتري 10 غرام حشيش...وبنقعد نصطهج فيهن أنا ورفقاتي..... وبعدين بنأركل.... وبناخدلنا كاسين

يعني الولد الصغير شو بيحب يشتري ويأكل؟؟ مجدرة ولا عدس بحامض؟؟
------------------------------------

شو بتعمل بالعيد احكيلنا حبيبي....بتلعب بالمراجيح؟؟

لا أبدا...ما بقرب صوب المراجيح....بالعيد بروح بلعب مصارعة رومانية...وشوية تايكواندو.... وممكن اروح عالمدرسة ادرس لا يروح الاستاذ يرفعني غياب ويرسبني
------------------------------------
بتلعب مع أصحابك بالعيد؟؟
أعوذ بالله... شو مع أصحابي... أبدا... بنزل بلعب مع شوفيرية التكاسي والزعران...
------------------------------------
مع مين بتحب تروح بالعيد؟؟ مع ماما ولا بابا؟؟ لا والله ؛مابحب روح معهن الاثنين اثقل من بعض . يعيني بالعادة مع مين بروح الصبي ؟ مو مع ابوه واموا ؟؟
------------------------------------
احكيلنا ...وين بتروحوا بالعيد إنت ورفقاتك... حبيبي....؟
ما بدها سؤال...على الكباريه... لترين عرق.... 4 رقاصات .....2 على اليمين و2 على اليسار....

طيب مذيعاتنا المهمات... ما عم يلاحظوا كيف الولد عم يتلعثم...وعم يتلبك... وما عم يعرف يحكي... ومالو رايد يحكي....... وما عم يطلع صوتوا
....وما عم يحكي شي....؟؟؟هالمذيعة الحنونة هاي.... ما عم يطلع من خاطرها تترك الولد بحالو؟؟ ما عم تلاحظ إنو الولد ما بدو يحكي....؟؟
لك اتركيه بحالو و بعدين ..؟؟
------------------------------------

حاطت راسك ونازل دحي بهالكتب والدراسة، بيجي أبوك أو امك...: عم تدرس؟

لا والله ...!! عم غير زيت للسيارة

ههههههههههههههههههـ
------------------------------------

حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجهواعلامة الاستغراب والدهشة: بدك تحكي بالتلفون؟
لا شو احكي أعوذ بالله !!! اني بدي افتح التلفزيون في برنامج متابعوا !شو بدي اعمل يعني ؟؟

------------------------------------
لابس أحلى لبس عندك ومتعطّر وشايل مفاتيح السيارة وجزدانك و طاير لبرا البيت، بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح أصلّح خزان المي
بسيطة ولوووو ..
------------------------------------

معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
لا والله لساتنا عالطريق، في زحمة كثير بالمهاجرين

كثير هيك ..
------------------------------------

متسطح بتختك ونايم ومطفي الضو ومتغطي بالبطانية وثمك مفتوح مثل مغارة جعيتا، بيجي واحد من أهلك بيفتح الباب ويقول :شو نايم ؟؟
لأ !! عم ارقص.. بس الوضع بيوحي إني نايم
------------------------------------
وتستمر الحياة

منقول 


انشاء الله يعجبكم الموضوع

هههههههههههههههههههه

[ندعوك للتسجيل في المنتدى أو التعريف بنفسك لمعاينة هذا الرابط]


الله يعطيك العافية اخوي محمود على الأبداعات وبأنتظار جديدك