أكرهك وأحبك ولا أبيـك وأبيـك

أكرهك وأحبك ولا أبيـك وأبيـك

لخبطت فكري ماعرفت الحقيقـة

ماتوقعت أعشقك في يوم وأغليك

لين ماحبك أشعل بقلبي حريقـة

تاهت بحوري وأنا أدور موانيك

والروح بغيابك وبعـدك غريقـة

والقلب يتبع بالمشاعر خطاويـك

ودروب غيـرك تشكـي الظيقـة

راضي بتعبك وأتحمـل بلاويـك

وماطيق غيرك ولا حتى دقيقـة

انسى اني أكون بيـوم ناسيـك

محد(ن) بعد المحبه ينسى عشيقة

يفز قلبي لاجابو الناس طاريـك

حبك قدر عمري ونورك طريقـة

أهديك كلي وانا وكلـي لمعاليـك

وأهديك كل الورد واحلى رحيقـه

من قال ماحبك ولاأبيـك وأبيـك

هذي خرابيط شاعر بحكم السليقه

ولا الحقيقه تراني مبتلـي فيـك

مثل ظامي يحتري من يبل ريقـه

واخرها تذكرني ليا هلت لياليـك

انت حبيب القلب وانت صديقـه