هاضت مشاعر شاعره والتوا به
___ حزن الفراق اللي من العام ماجاه
.
ماكنت هم البعد حاسب حسابه
______الابعد ماغاب وايقنت فرقاه
.
لو كل غايب ينتهي من غيابه
______ والله لارقب رجعته واتحراه
.
مير البلا ياصعب درب مشى به
______ ابعد من نجوم السما لمست ايداه
.
انا اشهد ان البعد كشر بنابه
______وانا اشهد ان الوصل ماعاد له جاه
.
بعده على قلبي يزود عذابه
______ماكن قلبي غير في جوف منداه
.
وقربه مثل همال وبل السحابه
______يحيي هشيم الصدر لامن نثر ماه
.
كل الليل في عيوني تشابه
______ليلي كما ليل المساجين ويلاه
.
شابت سنين العمر واقفى شبابه
______اقفى زمانٍ كنت وياه ماحلاه
.
اقفى ولا ادري وين وقتها غدا به
______ولادري رسى موجه على ايات مرساه
.
يالله عساه ان كان غيري هنى به
______يلقى السعاده في مقاديم دنياه
.
في ظل رجالٍ عزيزٍ جنابه
______مايجذبه قلبه على حفنة رعاه
.
رجال بن رجال من صلب لابه
______تشوم عن فعل الخنا كف يمناه
.
ماهو لاحانت ساعته صك بابه
______لحل وقت الضيق قفى وخلاه
.
وعساه مايعرف فصول الكأبه
______ولايرى مابيدا الحال وانهاه
.
والاانا مالي وراهم طلابه
____ ياكود شوقْ~ تل قلبي من اقصاه
.
الشوق له فيني مسوي انقلابه
______يجتاحني لحل طيفه وطرياه
.
في ذمتي ماجابني عند بابه
______ياكود شيٍ تعجز الروح تقواه